28

Traduction de Luca Ghitti

Le prime populationes que ha transite le ponte de terra ab Asia e se ha stabilite in le Americas poterea haber essite le descendentes de antique gruppos que ha vivite in Japon. A iste conclusion es arrivate un gruppo de scientistas del Museo de Anthroplogia del Universitate de Michigan (SUA) que ha publicate iste resultatos in le "Processos del Academia national de Scientia".

Le scientistas ha examinate e mesurate le structura de quasi 10.000 antique cranios human trovate in varie partes del mundo e ha concludite que le prime americanos era intime parentes del Jomones, un population prehistoric qui ha vivite alicun millennios de annos retro, e de un gruppo ancora plus antique, le Ainus. Le Jomones e le Ainus ha migrate trans le stricto de Bering e ha populate le Americas, de Alaska al Terra del Foco.

Iste prime populos ha attingite le Americas circa 15.000 annos retro e ha attingite le extreme ramificationes meridional de America latin in un millennio de annos. Al tempore del prime migration, le glacie recoperiva le major parte del hemispherio boreal in tal maniera que le nivello del mares in le mundo ha diminuite de plure decenas de metros. Le stricto de Bering, que in alicun zonas non supera le 20 metros de profunditate, ha tunc devenite un ponte ab Siberia a America. Un secunde migration ha evenite inter 4000 e 3000 annos postea, ma iste nove populationes era un mixtura de chineses, asiaticos meridional e mongoles, qui probabilemente ha utilisate barcas pro transir le stricto. Iste populationes tamen non ha colonisate tote le Americas, ma illes ha remanite in le nord e ha devenite le actual Inuit. Solmente alicunos ha migrate plus a sud, deveniente assi le populo del Navajos.