In le matino del 26 de martio le guardavia de Wavre, un station situate proxime al frontiera linguistic in Belgio, vide que le traino de Louvain non obedi a un signo rubie e continua super un section prohibite. Ille sasi le telephono e con voce nervose ille crita in francese a su collega al altere latere del frontiera linguistic: "Arresta immediatemente le 6458 de Louvain! Ma in vice de executar iste ordine urgente, le guardavia flaminge responde in flamingo: "Homine, io non te comprende! Parla flamingo!". Le guardavia de Wavre, confuse, reage "No, attende… io… euh…. Attende!". Un silentio de dece secundas, sequite de alicun momentos de murmures incomprensibile veniente de duo lateres. Alora il ha interruption del connexion telephonic. Le wallon, consciente del seriositate e urgentia del situation, telephona al centro de regulation in Bruxelles demandante de remover sin tardar le electricitate del section ferroviari periculose. Regrettabilemente Bruxelles informa nunc le providitor de electricitate in Anvers in vice de illo in Namur. Le catastrophe es inevitabile e eveni alicun minutas postea. Con alte veloci-tate duo trainos collide. Le ruina es enorme e il ha 8 mortos a deplorar. |