70

Fragmento del discurso:
"Economia, Lingua e Obstaculos a Interlingua"
per Leland Yeager

… Interlingua es nulle invention arbitrari ma un standardisation del jam existente. Plure linguas national, a proposito, es standardisationes deliberate in le mesme senso general. Le effortios del Académie Française es ben cognite. Le germano moderne ha surgite como un specie de interlingua inter su dialectos. Le serbocroate ha resultate ab effortios de Vuk Stefanovi Karadi e Ljudevit Gaj a standardisar le dialectos sud-slave. Le resurrection e modernisation del hebreo como lingua parlate ha su origine in le effortios de Eliezer Ben Yehuda, qui ha immigrate in Palestina in 1881 e qui ha imponite le lingua, usque alora parlate per ille sol, a su sposa e filio…….. Le turchese exhiba reformas deliberate interprendite sub Kemal Atatürk. Le romaniano moderne se deriva ab effortios de eruditos e homines de litteras del dece-none seculo a standardisar le dialectos e a inricchir le resultato del prestatio-nes, notabilemente ab le francese e le italiano. Passos deliberate verso le standardisation del italiano litterari super le base del dialecto florentin data retro al fundation, probabilemente in 1582, del Academia della Crusca, talmente nominate proque su membroscercava cribrar le aml ab le bon usan-tias. Durante le seculos le italiano esseva un lingua de solo un parve minori-tate. Foras de Toscana e Roma, solo le personas alphabetisate lo cognosceva, e in 1861, al fundation del Regno de Italia, quasi quatro quintos del populo esseva analphabetos, e solo circa 2,5 per cento sapeva parlaritaliano. Tanto tarde como in 1951, le vaste majoritate del italianos esseva ancora bilingue, le major parte parlante un dialecto como prime lingua. Le edition de libros e magazines, le cinema e altere factores cultural e politic continuava, totevia, dar al lingua standard un impeto super le dialectos…