Pro le plus grande parte de nos le vocabulo linguage significa un procedimento de communication fundate super un systema de sonos que es producite per le action del gurgite, del lingua, del labies, etc. Nos sape, naturalmente que il existe altere systemas destinate a scopos particular: le scriptura, per exemplo, pote utilemente reimplaciar le parola parlate in certe casos, e on pote usar le gestos in vice del voce, si un infirmitate del aure impedi le audition. Tamen, il es minus cognoscite, que il existe in le mundo un certe numero de linguas fundate super sonos, ma que non utilisa le ordinarin sonos del linguage, le vocales e consonantes, in le senso in que nos audi iste terminos habitualmente. In Gomera, un del parve minus disveloppate del archipelago del Canarias, le habitantes pote communicar per sibilationes articulate. Pro le conversation ordinari illes utilisa le espaniol normal. Ma si le distantia rende difficile o impossibile le uso del parolas parlate, illes recurre al "silbo" (isto es le nomine de iste specie de linguage parlate). Le configuration del insula es tal que ir a pede mesmo un curte distantia pote revelar se difficile e longe. Gomera es de origine vulcanic e extrememente montaniose. Le insula ha un forma quasi circular. Un picco - le Picco de Garajonay - se leva in le centro. Del Garajonay ravinas profunde e stricte e separate per cristas roccose se extende usque al costa como le radios de un rota. Il non ha regiones plan. Super un tal terreno le displaciamentos es longe e penibile. Pro iste ration le "silbo" es utile pro le habitantes de Gomara qui lo usa constantemente. Il es facile sibilar un message a un distantia de 3 kilometros, que necessita forsan un hora de marcha a pede. E 3 kilometros es nullemente exceptional. Un bon sibilator face audir e comprender se a 8 kilometros e mesmo plus in conditiones favorabile. On dice que le record esseva 14 kilometros e le personas qui ha audite un multo bon "silbador" va comprender que iste cifra es nullemente improbabile. Isto es causate per le facto que un sibilation simila a un sono pur de qualitate invariabile: le sol elementos que varia in maniera notabile es le altor e le duration, talmente que il non existe ulle nota debile de transition que poterea perder se, e il suffice que le sono es percipite pro esser intelligibile. Le "silbo" possede dunque duo avantages importante in comparation con le critos articulate: le articulation non suffre del toto per le effortio destinate a facer crescer le intensitate, e le sonos que, in le linguage parlate, es difficile-mente audibile - como le plus grande parte del consonantes - es tanto facile-mente audite a multe metros como a curto distantia. In Gomera on utilisa multe procedimentos pro le emission del sibilationes. Le sol que es nunquam usate, es le procedimento ordinari consistente in utilisar le labios, que non permitte obtener sonos satis forte pro attinger le scopo visate. Ordinarimente on pone un o duo digitos on un phalange plicate in le bucca, mantenente immobile le parte exterior del lingua, durante que on tende e separa le labios in le senso del largor. Un certe exercitio permitte producer talmente, in le registro de circa tres octavos, un sono de un intensitate, un puritate e un portata surprendente. In le parte oriental del insula on utilisa in general le notas alte, in altere locos le notas basse. Certe sibilatores non usa le digitos, ma forma un fissura con le parte anterior del lingua que tocca le incisivos superior. Illes utilisa le manos como un sorta de altoparlator. Le volumine del sonos talmente producite es comparabile a los que on obtene per le altere procedimentos. Nulle cosa es difficile in iste actiones e cata persona habente bon dentes pote apprender a emitter un sono que face pensar al sono de un sibilo de vapor. Plus extraordinari es que iste simple ruito pote esser modulate de sorta que illo face omne functiones del linguage parlate, ben que illo es susceptibile a un numero del variationes qualificative considerate como essential del linguage. Iste resultato es obtenite per le plus simple medio. Ecce iste medio, in pauc parolas: Quando le "silbador" emitte le sono sibilate, ille essaya de executar con le organos vocal exactemente le mesme movimentos como si ille parlarea veritabilemente. Su articulation differe necessarimente in plure punctos del articulation ordinari. In prime loco, su labios es immobile, de sorta que duo vocales como i e u, que in le linguage parlate es pronunciate respectivemente con le labios separate e arrotundate, va haber le mesme articulation labial. In secunde loco, le parte anterior del lingua es immobile a causa del digitos que se trova in le bucca, e le movimento del lingua es executate per le parola posterior. In tertie loco, le glotta resta aperte e le movimentos del parte molle del palatio, ben que illos es producite effectivemente, non modifica le sono. In altere terminos, le articulation normal es visate, ma solmente un imitation relativemente fidel es attingite. Ma isto es sufficiente pro assecurar un intelligibilitate perfecte e omne cosas que on pote dicer in espaniol pote esser sibilate e comprendite perfectemente. Sin dar un description complete del structura phonetic del "silbo" nos pote comprender su functionamento per examinar un o duo casos elementari. Si nos suffla alcun notas, nos remarca que le lingua monta in le bucca secundo le altor del sono. Isto es causate per le facto que le altor de un sibilation depende del volumine variabile secundo le movimentos del lingua. Talmente, si nos repete iste exercitio con le sono a (como in "matre"), le lingua descende, le cavitate buccal va aggrandir se, e le altor de nostre sibilation va esser multo plus inferior que le altor in le prime caso. Dunque le posterior del lingua, correspondente a un vocal determinate, va esser associate a un certe altor in vice de un certe qualitate del sono, como il es le caso pr le vocal parlate. Le caso del consonantes es un pauco plus complexe, ma illo es identic pro le essential. Ben que le "silbo" sembla esser multo differnte del linguage ordinari, illo possede in realitate multe characteristicas del parola parlate. Talmente cata "silbador" ha su proprie stilo, como ille ha un stilo parlate: on pote recognoscer le per su maniera de sibilar, como on poterea facer lo per le particularitates de su linguage. Pro le habitantes de Gomera le "silbo" es evidentemente un medio de expression toto natural. On reporta mesmo que, in le die de Natal 1862, le Alcalde de San Sebastian (capital deGomera) faceva clauder le portas del ecclesia a fin de impedir al pastores de penetrar in illo, nam illes non voleva observar le interdiction de sibilar le parolas del psalmos durante le missa. Le "silbo" es dunque ni purmente utilitari, ni solmente utili pro le transmission de messages elementari. Omne casos que pote esser dicite pote anque esser sibilate. Isto es possibile -a causa del povressa del medios de expression del "silbo" - solmente gratias al simplicitate phonetic del espaniol, del preponderantia del vocales super le consonantes, al raritate e al simplicitate del gruppos consonantic. Le "silbo" dunque non se applicarea tanto ben a un lingua como le anglese. |