KAREL WILGENHOF In iste phrase le parola toto es un adverbio e illo refere a nude durante que iste parola es un adverbio que refere a ….? Non a nata. Dicer que le natar, le action ipse, es nude me pare assatis estranie. Il es ille , le persona, qui es nude, toto nude. Pro alteremente exprimer lo Essente toto nude ille nata. Ergo nude non es un adverbio del toto. Si nos reguarda le enunciation Ille nata multo rapide, il es admittite asserer que rapide es un adverbio que refere in effecto a nata. Le natation es rapide e usar rapidemente in le phrase es toto in ordine. Un situation similar nos ha in Paupere illes partiva e ric illes retornava post multe annos. E paupere e ric indica le grado de prosperitate de illes. Altere exemplos es: Allegre ille reguardava. Le patre attendeva furiose le tarde revenita del filia. Le puera stava timide ante le patre irate. Le soldatos retornava vulnerate ab le fronte Fatigate illes se sedeva. Illes promenava cantante per le stratas. Mi amico se declarava preste a adjutar. Ille vade sol a Paris. - Nemo le accompania. Ille vade solmente a Paris. - non a altere urbes. Le rivo curre nurmurante per le foreste.In omne iste phrases le adjectivos (allegre, furiose, timide, vulnerate, fatigate, cantante, preste, murmurante) concerne le subjectivos (ille, le patre, le puera, le soldatos, illes, mi amico, le rivo). Un altere caso similar, sed non toto similar, es Ille colora verde le porta. Durante que in le previe phrases le adjectivos refereva al subjecto, hic illo concerne le objecto: le porta. In varie linguas il es normal poner le adjectivo immediatemente post le objecto, lo que pare plus natural. Le porta es apriori e le color verde es aposteriori. Sed in interlingua un tal sequentia es minus conveniente, proque Ille colora le porta verde es equal a Ille colora le verde porta. (cf. Ille colora rubie le porta verde.) Altere exemplos: Ille trovava difficile responder a mi question. Io estima alte su chance a successo. Trova le criminal e apporta le vive o morte. Vide le porta! Petro lo colorava nigre.In iste exemplos le adjectivos (difficile, alte, vive, morte, nigre) concerne le objectos del phrases (responder, su chance a successo, le, lo). Totevia io crede que pauc lectores ha un objection contra le sequentia del parolas in le sequente phrases, in le quales es usate le verbo render. Etiam io non lo ha. Le homines es menaciate per conditiones que rende a illes difficile o impossibile elaborar pro se mesme lor proprie destino. Nos vole clarificar le valores que rende le vita bon e significante. Le fertilitate del terra rende le excistentia plus confortabile. |